मेरा मातापिता

गुरु केदार बराल
यो धर्ती देखाइदिने र बुझाईदिने
देवका देव मेरा मातापिता
आदर मैले गरेर पुग्दैन
मेरो कर्तव्य पुग्दैन सदा ।

लोकको पनि महालोकबाट
जन्मेका मेरा मातापिताले
आज मलाई संसार देखाइदिए
यो ब्रह्माण्ड बुझ्नलाई
मलाई पैदा गराईदिए ।

आज म जे छु जे गर्दै छु
मातापिताको देन हो
जुन चाखो मार्गमा हिँडिरहेको छु
मार्ग मातापिताले खोलिदिएको हो ।

धन दौलत के का लागि
कुनै बेला मेरो मन भन्दछ
भविष्यमा चिनो छोड्ने
एक लालच मनमा छ ।
त्यो लालच मेरो लागि होइन
म्ाता पिताको सम्झनामा
एक अमूल्य कीर्ति छोडिदिनेछु
आभार रही मातापितामा ।

यो दुनियाँमा ठूलो को छ र
माता पिता सिवाय कोही छैन
जसले मातापितालाई अनादार गर्छ
उसले आँखा नै देख्दैन ।